سلطة الهندباء العربية

سلطة فلاحية من اربد و الشمال في الاردن…
العلت المعروف كمان بالهندبة…(و كمان في اله اسماء تانية اكتبولي ياها بالتعليقات)
جدا مفيد و متوفر بكثرة خصوصي بهادا الوقت و بينعمل باكتر من طريقة …انا بحبه هيك بدون تعقيد و على بساطته …عملتلكم ياه بابسط و اطيب طريقة مشان تستطعمو طعمته المميزة اللي فيها شووووية مرار …
بصراحه ازا الكم حدا ساكن باربد او الشمال لازم تجربو العلت البري عنجد طعمته غير و متعة تلقطيه كمان غير …انا عماتي الله يطول بعمرهم كل اسبوع اسبوعين بيبعتولي على عمان لانه كتير بحبه…
طبعا بتقدرو تضيفونها كمان بندورة مفرومة …بس جربوها هيك رح تحبوها 🥰

المكونات:
علت او(معروفة بالهندبة)
بصل اخضر
ليمون
زيت زيتون
ملح و فلفل اسود

#يارا_عبيدات #سلطة_العلت #سلطة_الهندباء #سلطة_الهندباء #سلطات_يارا #اربد #الاردن #شمال_الاردن #yaraobeidat #salads #yarassalad #irbid #jordan